யதுகுல கண்ணனே

யதுகுல திலகனே வருவாய்; எங்கள் இல்லத்தில் அமைதியை தருவாய்!


கண்ணா! நீ! இல்லத்தில் அமைதியை தருவாய்!


போர்கண்ட நாட்கள் போதும்; உன் 

புன்னகை பூமழை வேண்டும்!


கண்ணா உன் ! புன்னகை பூமழை வேண்டும் !


பெற்றவள் உற்றவள் பேதமில்லாமல் ;

பேய்மகள் நஞ்சுண்டு அச்சமில்லாமல்;


கொஞ்சிடும் தாயின் மடியும் கொள்ளாமல் ;

கோபியர் மயங்கிட கொஞ்சம் நில்லாமல் ;


ஓடிடும் கண்ணனே! வா எங்கள் முன்னே!


நாடிடும் வெண்ணெய் நான் கொண்டு தருவேன்;

ஊர் கண்டு மகிழ்ந்திட தேர் கொண்டு வருவேன் 


வாய் கொண்ட மண்ணில் வையகம் காட்டும்

வான் கொண்ட நிறமதின் தேன் தரும் மழையே


வா எங்கள் கண்ணனே! வாசலின் முன்னே!

Comments

Post a Comment

Popular posts from this blog

எங்கள் குமரன் என்றும் அழகன்

எத்தனை மலர்கள் எத்தனை நிறங்கள்  எத்தனை அழகாய் எத்தனை மாலைகள் அத்தனை அழகுடன் அத்தனை மணமுடன் பித்தனின் மகனாய் பிறந்தவன் குமரன் எங்கள்  முருகன் என்றும் அழகன் தன்னிகரில்லா தணிகாசலம் அவன் வேலொன்று கொண்ட விரல்களின் அழகன் வேலவன் குமரன் வெற்றியை தருபவன் தங்க மாலையாய் தாங்கிடும் தோழன் தவழ்ந்திடும் புன்னகை தந்திடும் முருகன் எங்கள் வாழ்வில் இனியவன் அழகன் என்றும் காக்கும் இளையவன் முருகன்
Read more

மங்கை மாரி

மங்கல நாணை சூடி வந்தாள்  மங்கை மாரி காக்க வந்தாள்  கண்ணுக்குள் தீயை தேக்கி வைத்தாள் கண்கள் மூடியே காவல் கொண்டாள் பட்டு வண்ண சிற்றாடை பாசத்தில் பாயும் நீரோடை ஜொலிக்கும் மூக்குத்தி முகஜாடை  சொந்தம் கூடிடும் அவள் மேடை ஏந்திடும் வாளை ஒரு கரமே  என்றும் காத்திடும் அவள் வரமே மண்ணில் மழையாய் இறங்கிடுமே மாரியின் கருணை காத்திடுமே
Read more

காரிருள் வண்ணன்

 கைத்தளம் கொண்டான் காரிருள் வண்ணன்; மெய்தளம் தந்தாள் தாமரை கரத்தாள் ; உய்தளம் வேண்டி உன் முன் நின்றவர் ; பொய்தளம் இல்லா வாழ்வதை பெறுவார் !
Read more